පින්වත් ඔබට අවස්ථාවක්
බුදු පසේබුදු අරහන්තක මහා විහාරයේ සුපිහිටි මනරම් ශ්රී පිළින්දිවච්ඡ සුගන්ධ කුටියේ විරාජ මානව වැඩ සිටින අප තිලොගුරු සම්මා සම්බුදු රජාණන් වහන්සේගේ සර්වඥ ධාතූන් වහන්සේලා උදෙසා ද පිළින්දිවච්ඡ මහරහතන් වහන්සේ ඇතුළු සියලු මහරහතන් වහන්සේලා උදෙසා සිදු කරනු ලබන පූජාවන් භාරගැනීම සදහා
"බුදුරජාණන් වහන්සේ ජීවමානව වැඩ සිටිද්දීත්, උන්වහන්සේ පිරිනිවන් පෑවට පස්සෙත් සම සිතින්ම යම් පූජාවක් කරනවා නම් සම විපාක ලැබෙනවා. මේ සත්වයන් සුගතියේ උපදින්නෙ සිත පිහිටුවා ගන්නා වූ යහපත් දේ අනුවමයි."
— ප්රේත වත්ථු විමාන වත්ථු
807 - prethvatthu viman vatthu
දෛනික පූජාවන්
පූජාව
පූජාව
පූජාවඡායාරූප ගැලරිය
විශේෂ අවස්ථාවන්
මංපෙත
ටෙස්ට්
සම්ප්රදායික කලා නිර්මාණ
පෞරාණික සෞන්දර්යාත් ආරක්ෂා වන පරිදි දක්ෂ ශිල්පීන් ලවා ගල් කැටයම් නිර්මාණය කෙරේ.
පරිසර හිතකාමී නිර්මාණය
ස්වාභාවික සිසිල පද්ධති සහ පරිසරයට අඩුම බලපෑමක් ඇති කරන ලෙස හාවනා කර ඇත.
විහාරය ගැන
විහාරය පිළිබඳව
මෙම විහාරයේ ඉහළ ම මහලෙහි උතුම් සර්වඥ ධාතුන් වහන්සේලා සහ දෙවියන්ට ප්රිය මනාප වූ භික්ෂූන් වහන්සේලා අතර අග්ර භාවයට පත් වූ පිළින්දිවච්ඡ මහරහතන් වහන්සේගේ උතුම් අරහන්තක ධාතුන් වහන්සේලා වඩාහිඳවූ ශ්රී පිළින්දිවච්ඡ සුගන්ධ කුටිය දරා වැඩසිටින සිරි ඝටීකාර මහාසෑ රදුන් පිහිටා තිබේ. කාශ්යප බුදුරජාණන් වහන්සේ වැඩසිටි කාලයේ ජෝතිපාල නම් බ්රාහ්මණ මාණවකයෙකු ව සිටි අපගේ මහබෝසතාණන් වහන්සේගේ කල්යාණමිත්ර වූ, කාශ්යප බුදුරජාණන් වහන්සේගේ අග්ර උපස්ථායක ව සිටි, අනාගාමී ඝටීකාර උපාසකතුමා මරණින් මතු සුද්ධාවාස බඹලොව උපත ලැබීය. ඝටීකාර මහා බ්රහ්මරාජයා ද නිතින් වන්දනා කරන මේ සෑරදුන් දෙව්ලොව පිහිටි සළුමිණි මහා සෑ රදුන් ද සිළුමිණි මහා සෑ රදුන් ද සිහි ගන්වමින් බුදු පසේබුදු අරහන්තක මහ වෙහෙර මුදුනේ අහස් කුස බබළයි. පරිවාර සෑ අටකින් සෝභමාන වන ශ්රී ඝටීකාර සෑ රජුන්ගේ සොඳුරු ධාතු ගර්භය “ශ්රී පිළින්දිවච්ඡ සුගන්ධ කුටිය” නම් වන්නේය. ශ්රී ඝටීකාර මහා බඹුන් ද සක් දෙව් මහරජු ද තව්තිසාවාසී වූ සුසීම දෙව්රජු ද නිතියෙන් වැඳුම් කළ පිළින්දිවච්ඡ මහ රහත් ධාතුන් වහන්සේලා අප කෙරෙහි කරුණාවෙන් සුගන්ධ කුටියෙහි සුපූජිත ව වැඩසිටිති. ඒ උතුම් ආකාස සෑයේ සිව් දිශාවේ මල් අසුන් ශ්රීමත් දඹදිව් තලයේ සුපූජිත සතර ස්ථානයන් නමින් වෙන් වී ඇත. ධාතු ගර්භයේ ප්රධාන පිවිසුම් ද්වාර මන්දිරයේ අනේකවිධ කැටයමින් සමලංකෘතව බබළන්නේය. ශ්රී අරහත් මැදුරේ පියගැටපෙළ සිට සෑ මළුව දක්වා ම බිතු සිතුවම්වලින් ගැවසී ගත්තේය. කස්සප සම්බුදු සසුනේ ගිහි අග්ර උපස්ථායකව සිටි ඝටීකාර උවසුන්ගේ කතා පුවත සහ අප සිදුහත් මහ බෝසතුන් සහ ශ්රී ඝටීකාර මහා බ්රහ්ම රජුගේ පවර වූ කලණ මිතුදම දක්වන්නා වූ ද දිවියේ අනිත්ය දුක්ඛ අනාත්ම භාවය විදහා දක්වන්නා වූ සොඳුරු බිතුසිතුවම් නිර්මාණයන් විහාරයේ පියගැටපෙළ සුන්දර කරත් ම ය. සිළුමිණි සෑ රජුන් වඳින්නාක් බඳු වූ හැඟුමන් පුබුදු කරවන සුවිසල් සුගන්ධවත් දැවයෙන් කරවන ලද්දා වූ ධාතු ආසනය මත අට දිශාවෙන් පිදුම් ලබනා සුපූජිත වූ විමන් මත සුවිසල් ධාතු කරඬුන් වහන්සේ දිව්ය විමානයට වැඩම කළ සම්බුදුරජුන් මෙන් සෝභමාන වන්නාහ.
ඉතිහාසය
මාළඹේ මහමෙව්නාව භාවනා අසපුවෙහි ඉදි වූ බුදු පසේබුදු අරහන්තක මහා විහාරය 2025 අප්රේල් මස 12 වන දා බක් පුන් පොහෝ දා, ගරුතර මහා සංඝ රත්නයේ සහ නොයෙක් දහස් සංඛ්යාත සැදැහැවතුන්ගේ සාධු නාද මධ්යයේ, දෙව් මිනිසුන්ගේ වන්දනා මාන පිණිස ගෞතම බුදු සසුනට පූජා විණි. මහමෙව්නාව භාවනා අසපු සංචිතයේ නිර්මාතෘ අතිපූජනීය කිරිබත්ගොඩ ඤාණානන්ද ස්වාමීන් වහන්සේගේ පුණ්ය සංකල්පයකට අනුව නිර්මාණය වූ මෙම මහා විහාරය බුදු, පසේබුදු, මහරහතන් වහන්සේලා උදෙසා එක ම ස්ථානයක සිට වන්දනා කළ හැකි ලොව එක ම විහාරය වේ. එම අසිරිමත් විහාර පූජාවේ ඡායාරූප ඔබට පහතින් දැකබලා ගත හැක. මේ විහාර පූජාව වෙනුවෙන් අප්රේල් 7 වන දා සිට 12 වන දා දක්වා උතුම් ත්රිපිටක සූත්ර සජ්ඣායනා, ධර්ම දේශනා ඇතුළු නොයෙක් පුද පූජාවන්ගෙන් සමන්විත පින්කම් මාලාවක් ම පැවැත්වුණි.